فى كل وقت وكل أدان
من قلب مهموم أحزان
بارفع دعايا لرب الكون
ينصر اخويا فين مايكون
فى كل وقت وكل أدان
قلبى يارب عليل وحزين
على اخويا فى لبنان
واخويا فى فلسطين
بابكى عليه دمع ودم
داحنا اللى بينا دين ودم
الامه بتقطع شرايينى
وتسرق النوم من عينى
وتخللى حزن الدنيا فى هم
فى كل وقت وكل أدان
بركان الغضب جوايا
بيحرق معانى الصبر
ويزود مرارتى مر
وانا عينى بتشوف طفل
بيموت فى حضن ابوه
الغداربن قتلوه
تحت الحجارة رموه
وفى عينى صوره حزينه
صورة ام بتصرخ
بعد الحبيب ماراح
وفى التراب دفنوه
وفى كل وقت وكل أدان
دموعى مكلومه
احزانى مهمومه
مش لاقى لحلمى مرسى
فى دنيا مقلوبة
ميزان العدل فيها
اصوله مش محسوبه
واللى بيزيد احزانى
ويدمر كل كيانى
ان اللى باقى لينا
ونملكه فى ايدينا
اننا ندعى..
فى كل وقت وكل أدان
من قلب مهموم احزان
نرفع دعانا لرب الكون
ينصر اخونا فين مايكون
فى كل وقت وكل أدان
الشاعر احمد عبد ربه
الأحد نوفمبر 04, 2007 9:00 am