بغداد..يابغداد
ياوجع البعاد
يانار ماليه ضميرى
وبتكوى فى الفؤاد
بغداد .. يابغداد
من بين صوت المدافع
والنار اللى بتاكل
البيوت .. والكنايس .. والجوامع
من بين اهات المجروحين
والدموع اللى بتروى ارضك
ع الشهيد اللى مات
يدافع عن ترابك وعرضك
من بين اصوات الطيور
اللى طايره فوق سماكى
بتغنى الحان حزينة
من بين ده كله
بروحى وعقلى وقلبى سامعك
قدام عينيا صورة ملامحك
سامعك .. بتبكى
واللى نازل من عنيكى مش دموع
دا اللى نازل نار بتكوى
الجوارح والحشايا والضلوع
سامعك بتبكى وفى قلبى صورتك
محفورة جوه حزنى
حزن . من فرحى بياخدنى
حزن لو تشوفه الدنيا
هايبقى كل شئ سواد
يابغداد
يابغداد
الشاعر احمد عبد ربه
الأحد نوفمبر 04, 2007 8:54 am