تعمل ايه لما اللى منك يخدعك
لما يهون عليه بايده يجرحك
لما يغمى عنيك وبايده يدبحك
هاتعمل ايه
لما الوجيعه تيجى من واحد قريبك
كنت فكره اخوك وتقول ده حبيبك
مهما يعمل فيك عندك اكتر من صديقك
هاتعمل ايه
لما يكون الاخ مش خايف عليك
مهما تقدمله دايما الخير بايديك
لما فى اول طريق حياتك يرميك
هاتعمل ايه
لما الغريب يكون احن من القريب
لما اللى تفتكره حبيبك مش حبيب
لما يكون جرحك مالهوشى طبيب
هاتعمل ايه
لما تموت الدمعه فى العيون
لما كل شىء على القلب يهون
لما كل انسان يتمنى يكون
هاتعمل ايه
لما يختفى الود من قلوب الناس
لما تختفى الرحمه مع الاحساس
لما يزول الحب مع الاخلاص
هاتعمل ايه
لما تتحرم من الراحه طول حياتك
لما تنسى بديتك وتنسى ذكرياتك
لما مايباقش باقى منك غير اهاتك
هاتعمل ايه
اساله كتير ولسه عندى تانى
سالتها بقلبى وبكل كيانى
جوبينى يا دنيا جاوب يا زمانى
السبت نوفمبر 03, 2007 5:53 am
